Елордалық Триатлон саябағында гендерлік зорлық-зомбылыққа қарсы күреске арналған мурал ашылды

25 қараша әйелдерге қатысты зорлық-зомбылықты жоюдың халықаралық күні болып табылады, бұл сонымен қатар «Гендерлік зорлық-зомбылыққа қарсы 16 күндік белсенділік» акциясының басталуын білдіреді. 25 қараша мен 10 желтоқсан аралығында дүние жүзінде әйелдер мен қыздарға қатысты зорлық-зомбылықтың барлық түрін жоюға шақыратын түрлі науқандар өтуде.

Науқанның басталуына орай, 25 қарашада сағат 16:00-де елодалық Триатлон саябағында зорлық-зомбылықсыз әлемге деген үмітті білдіретін «Сyber Nomad» муралы ашылды.

«Сyber Nomad» эскизінің авторы, қазақстандық суретші Charli Sword-тың айтуынша, мұнда гендерлік және тұрмыстық зорлық-зомбылық мәселесі жәбірленушінің зорлық-зомбылыққа саналы түрде қарсы тұру ретінде ұсынылған: «Бұл осы концепцияға негізделген бірінші туындым. Осыны жасауға нақты осындай жағдайды басынан өткерген адам шабыттандырды. Бұл экспозицияда - өз бағасын білетін, еркін, белсенді әйелді бейнелейтін көшпелі әйелдің тарихи сипатының көрінісі бейнеленген»

Муралдың тұсаукесері ұйымдастырушылардың – БҰҰ-ның Халықты қоныстандыру қоры (ЮНФПА) мен Канаданың Қазақстандағы Елшілігінің қатысуымен өтті. Бұл науқанның мақсаты – гендерлік және тұрмыстық зорлық-зомбылық мәселесіне назар аудару: статистикаға сәйкес, өткен жылы Қазақстанда 157 884 қылмыс тіркелсе, оның 61 464-і тұрмыстық зорлық-зомбылыққа жатқызылған. Ішкі істер министрінің айтуынша, 2022 жылдың 9 айында 100 мыңнан астам тұрмыстық зорлық-зомбылық фактісі тіркелген, бірақ олардың 60% жәбірленушілер арыз жазудан бас тартқандықтан полиция тиісті шараларды қолдана алмаған.