БҰҰ Тұрақты үйлестірушісі кеңсесі

Қазақстан Республикасындағы БҰҰ Тұрақты үйлестірушісі кеңсесі БҰҰ Тұрақты үйлестірушінің стратегиялық басшылығымен жұмыс істейді және барлық мүшелердің БҰҰ Елдік тобының кеңестері мен шешімдерін қабылдау процестеріне толық көлемде қатыса алатынына, сондай-ақ тұрақты қарым-қатынас жасау мен ақпарат алмасу арқылы хабардар етілуіне кепілдік беретін тетіктерді жасау мен енгізуді қолдайды.

Тұрақты үйлестіруші құзіреті мен көшбасшылығы жоғары мәртебелі, БҰҰ даму жүйесінің жоғары деңгейдегі өкілі болып табылады, ол тағайындалған өкіл және БҰҰ Бас хатшысына есеп береді. Олар 2030 жылға арналған күн тәртібін жүзеге асыру бойынша елдердің күш-жігерін қолдау үшін БҰҰ-ның даму бойынша жедел қызметін үйлестіруге жауапты; БҰҰ-мен ынтымақтастықтың шеңберлік бағдарламасын әзірлеуде, бақылауда және есеп беруде БҰҰ елдік тобын басқарады және қолдайды.
Олар БҰҰ-ның ынтымақтастықтың шеңберлік бағдарламасының жүзеге асырылуын үйлестіреді және БҰҰ елдік тобымен агенттік бағдарламалары мен дамуы үшін мекемеаралық біріктірілген қаржыландырудың ұлттық даму қажеттіліктері мен басымдықтарына, сондай-ақ БҰҰ ынтымақтастық шеңбері мен 2030 күн тәртібіне сәйкес келуін қамтамасыз ету үшін жұмыс жасайды.

Тұрақты үйлестіруші БҰҰ Елдік тобының жұмысын қолдайды және қорғайды. Сонымен қатар БҰҰ-ның барлық мүшелерінің, соның ішінде резидент емес агенттіктердің олардың нақты мақсаттарына жетуіне қолдау көрсетеді. Тұрақты үйлестіруші БҰҰ елдік тобын қабылдаушы үкіметпен келісе отырып, үкіметтің басымдықтарына БҰҰ стратегиялық жауабын анықтау және келісу үшін басқарады. Белгілі бір елге қатысты осы жауаптарға сүйене отырып, Тұрақты үйлестіруші жергілікті деңгейде тиімді, пәрменді және икемді құрылымды қамтамасыз ету үшін БҰҰ даму жүйесінің елдік қызметі мәселелері бойынша БҰҰ елдік тобы мүшелері мен үкіметтегі әріптестер арасындағы диалогқа жәрдемдесуде маңызды рөл атқарады.

Қазақстандағы БҰҰ Тұрақты үйлестірушісі кеңсесі Тұрақты үйлестіруші және БҰҰ Елдік тобының міндеттерін қолдауда келесі бес негізгі қызметті орындайды:

• Стратегиялық жоспарлау
• Даму экономикасы
• Серіктестік және дамуды қаржыландыру
• Деректер мен нәтижелерді басқару және есеп беру
• Коммуникациялар және ақпараттық қызмет
   

БҰҰ-ның Қазақстандағы Тұрақты үйлестірушісі м.а. Стивен О'Малли

Стивен О'Малли мырзаның даму және гуманитарлық жұмыста 25 жылдан астам тәжірибесі бар. 2024 ж. 1 қарашасынан бастап БҰҰ-ның Қазақстандағы Тұрақты үйлестірушісі міндетін атқарушы болып тағайындалды.

Осы лауазымға дейін ол БҰҰ Гуманитарлық істерді үйлестіру басқармасының (OCHA) Африка бойынша директорының орынбасары болды. 2021-2024 жж. Ведомствоаралық тұрақты комитеттің Төтенше жағдайлар жөніндегі директорлар тобының жобасы болып табылатын «Тең-теңімен» жобасының директоры қызметін атқарды. 2018-2021 жж. OCHA Оңтүстік Судан кеңсесінің басшысы болды. Осы тапсырма барысында ол OCHA штаб-пәтеріне 2020 жылдың наурызынан желтоқсанына дейін COVID-19 күрес бойынша тобының жетекшісі ретінде жіберілді. OCHA-ға қызметтен бұрын О'Малли мырза 2013-2018 жж. Барбадос және Шығыс Кариб бассейні мемлекеттері ұйымы жанында БҰҰ Тұрақты үйлестірушісі және БҰҰ Даму бағдарламасының Тұрақты өкілі болды.

Осыған дейін О'Малли мырза Нью-Йорктегі OCHA штаб-пәтерінде 12 жыл жұмыс істеді, онда үйлестіру және әрекет ету бөлімі директорының орынбасары, Төтенше жағдайлар бойынша орталық қоры хатшылығының басшысы, сондай-ақ Оңтүстік және Орталық Африкаға қатысты түрлі лауазымдарды атқарды. БҰҰ-ға дейін Солтүстік Америка, Еуропа және Африкадағы Médecins sans Frontières үкіметтік емес ұйымында жеті жыл жұмыс істеді. Ол жеке сектордағы мансабын Канаданың Торонто қаласындағы Decima Research компаниясында бастады.

Канада азаматы О'Малли мырза Канададағы Куинс Университетінің сауда бойынша бакалавры және саясаттану саласындағы магистрі және Колумбия университетінің (АҚШ) халықаралық және қоғамдық қатынастар мектебінің халықаралық қатынастар магистрі дәрежелеріне ие.
 

БҰҰ-ның Қазақстандағы Тұрақты үйлестірушісі кеңсесі