Басылымдарымыз. Тұрақты даму саласындағы мақсаттарға қол жеткізу бойынша біздің жұмысымыз туралы толық ақпарат.

БҰҰ-ның Қазақстандағы елдік тобы тұрақты даму мақсаттарына қол жеткізу үшін елдегі БҰҰ-ның 27 құрылымының ұжымдық күш-жігерін көрсететін 2023 жыл бойынша жылдық нәтижелер есебін ұсынуға қуанышты. 2023 жылы Қазақстан тұрақты даму жолымен одан әрі ілгеріледі, мысалы, Көміртегі бейтараптығы стратегиясы мен жаңа Әлеуметтік кодекс қабылданды, цифрлық технологияларға негізделген қызметтерді инклюзивті ұсынуды жеделдету және осал топтарға әлеуметтік-экономикалық құқықтарды қорғауды жақсарту бойынша шаралар жүзеге асты. Осы жетістіктерге қол жеткізу үшін БҰҰ саясатқа қатысты кеңестер берді, халықаралық нормалар мен стандарттарды алға тартты және тұрақты даму үшін бағдарламаларды жетілдірді. Біздің бастамаларымыз білім мен денсаулыққа қолжетімділікті кеңейтуден бастап гендерлік теңдік пен экономикалық мүмкіндіктерді және адам құқықтарын ілгерілетуге дейін, барынша инклюзивті қоғам құруға бағытталған.